کراچی : سہراب گوٹھ میں پولیس کی مبینہ سرپرستی میں کھلے عام منشیات کی خریدوفروخت کی ویڈیو سامنے آگئی۔
تفصیلات کے مطابق کراچی کے علاقے سہراب گوٹھ میں پولیس کی مبینہ سرپرستی میں منشیات فروشی کا انکشاف ہوا۔
اے آر وائی نیوز کو منشیات کی خرید و فروخت کی ویڈیو موصول ہوئی، ویڈیو میں پولیس کی موجودگی میں منشیات کی خرید وفروخت دیکھی جا سکتی ہے۔
جنت گل ٹاؤن کی کچی آبادی میں منشیات فروش فروخت کرتے دیکھا جاسکتا ہے جبکہ ویڈیو میں منشیات فروشوں سے رقم لیتے ہوئے پولیس اہلکار بھی دیکھے جاسکتے ہیں۔
مزید پڑھیں : عوام کے محافظ منشیات فروشی میں ملوث نکلے
پولیس ذرائع کا کہنا ہے کہ سہراب گوٹھ تھانےمیں تعینات اہلکارعمران منیشات فروشوں سے رقم وصولی کرتاہے۔
ذرائع نے بتایا کہ اہلکارعمران پہلے بھی منظم جرائم کی سرپرستی میں معطل ہو کربی کمپنی جا چکا ہے، عمران کھوکھر سچل بس ٹرمنل پر اسمگلنگ اور سہراب گوٹھ میں منشیات فروشی میں ملوث رہا ہے۔
