کراچی : منگھو پیر میں ڈمپر ڈرائیور نے لوٹنے کی کوشش کرنے والے ڈاکو کو کچل ڈالا ، مارے گئے مبینہ ڈکیت کے پاس سے اسلحہ اور موٹر سائیکل برآمد ہوئی۔
تفصیلات کے مطابق کراچی کے علاقے منگھو پیر میں ڈمپر ڈرائیور نے ایک مبینہ ڈاکو کو ٹکر مار کر ہلاک کردیا۔
ایس ایس پی ویسٹ طارق الٰہی مستوئی نے بتایا کہ سات سے زائد ملزمان نے ڈمپر کے ڈرائیور کو اسلحے کے زورپر لوٹنے کی کوشش کی، ڈرائیور امداد اللہ نے ملزمان کا پیچھا کیا اور ایک مبینہ ڈکیت کو ٹکر مار کر ہلاک کردیا۔
طارق الٰہی مستوئی کا کہنا تھا کہ مارے گئے مبینہ ڈکیت کے پاس سے اسلحہ اورموٹر سائیکل ملی ہے تاہم واقعے کی تحقیقات کی جا رہی ہیں۔
ایس ایس پی ویسٹ نے مزید کہا کہ ہلاک ملزم کا کرمنل ریکارڈ حاصل کیا جا رہا ہے۔
