کراچی کے مختلف علاقوں میں زلزلے کے جھٹکے محسوس کیے گئے جس سے شہریوں میں خوف و ہراس پھیل گیا۔
زلزلہ پیما مرکز کے مطابق ملیر، لانڈھی، قائد آباد، کاٹھور اور گڈاپ میں زلزلے کے جھٹکے محسوس کیے گئے، اس کی شدت 3.2 اور گہرائی 12 کلو میٹر ریکارڈ کی گئی، جھٹکے 8 بج کر 50 منٹ پر محسوس کیے گئے۔
اس سے قبل گزشتہ سال 16 اکتوبر کو کراچی کے مختلف علاقوں میں زلزلے کے جھٹکے محسوس کیے گئے تھے اور اس کی شدت 3.1 ریکارڈ کی گئی تھی۔
- Advertisement -
جھٹکے ملیر، قائد آباد، شاہ لطیف ٹاؤن، بھینس کالونی، شیرپاؤ کالونی میں محسوس کیے گئے تھے۔ لانڈھی، مظفرآباد کالونی، مسلم آباد کالونی، گلشن حدید، اسٹیل ٹاؤن اور اطراف میں بھی زلزلہ آیا تھا۔
زلزلے کی گہرائی 15 کلو میٹر ریکارڈ کی گئی تھی۔
