کراچی کے مختلف علاقوں میں زلزلے کے شدید جھٹکے محسوس کیے گئے ہیں۔
اے آر وائی نیوز کے مطابق کراچی کے علاقے قائد آباد اور اطراف میں زلزلے کے شدید جھٹکے محسوس کیے گئے ہیں لوگ کلمہ طیبہ کا ورد کرتے ہوئے گھروں سے باہر نکل آئے۔
ملیر کے مختلف علاقوں میں بھی زلزلے کے جھٹکے محسوس کیے گئے۔
- Advertisement -
شاہ لطیف ٹاؤن، بھینس کالونی، شیرپاؤ کالونی میں بھی زلزلے کے جھٹکے محسوس کیے گئے، لانڈھی، مظفرآباد کالونی، مسلم آباد کالونی، گلشن حدید، اسٹیل ٹاؤن اور اطراف میں بھی زلزلہ آیا۔
زلزلہ پیما مرکز کا کہنا ہے کہ زلزلے کی شدت 3.1 ریکارڈ کی گئی۔
زلزلہ پیما مرکز کا کہنا ہے کہ زلزلے کا مرکز قائد آباد کے قریب تھا، زلزلے کی گہرائی 15 کلو میٹر ریکارڈ کی گئی ہے۔
