The news is by your side.

Advertisement

الیکشن کمیشن میں ‘اچانک’ اہم تبدیلیاں

کراچی: وفاقی حکومت کی تبدیلی کے ساتھ ہی الیکشن کمیشن میں بھی بڑے چہرے تبدیل کردئیے گئے ہیں۔

تفصیلات کے مطابق سندھ اور پنجاب کےالیکشن کمشنرز کو تبدیل کردیا گیا ہے جبکہ خیبرپختونخوا میں نگراں افسر تعینات کردیا گیا ہے۔

ترجمان الیکشن کمیشن کے مطابق اعجازانور چوہان ایک بار پھر الیکشن کمشنر سندھ تعینات کردئیے گئے جبکہ سعیدگل کو قائم قام الیکشن کمشنر پنجاب تعینات کردیا گیا ہے

سعیدگل قائم قام الیکشن کمشنر سندھ کےطور پرخدمات انجام دے رہےتھے جبکہ سعید گل کی سربراہی میں الیکشن کمیشن نے ڈسکہ الیکشن دھاندلی انکوائری کی تھی۔

اس کے علاوہ فرید آفریدی خیبرپختونخوامیں الیکشن امور کی نگرانی کریں گے۔

دوسری جانب سندھ میں بلدیاتی الیکشن کے پہلے مرحلے میں 26 جون کو 14 اضلاع میں الیکشن ہونگے، اس سلسلے میں الیکشن کمیشن نے جن 14 اضلاع میں الیکشن ہونے ہیں وہاں ترقیاتی منصوبوں کے اعلان پر پابندی عائد کردی گئی ہے۔

اس کے علاوہ سندھ میں تمام صوبائی محکموں، خودمختار کارپوریشنز، اتھارٹیز میں تبادلوں پر بھی پابندی عائد کردی گئی ہے۔

الیکشن کے پہلے مرحلے کے حوالے سے ہی الیکشن کمیشن، ریٹرننگ، ڈسڑکٹ ریٹرننگ افسران کے دفاتر میں ہفتہ وارتعطیلات بھی ختم کردی گئی ہیں اور 14 اضلاع میں افسران وعملے کی عمومی چھٹیاں الیکشن کمیشن کی پیشگی اجازت سے مشروط کردی گئی ہیں۔

Comments

یہ بھی پڑھیں