کراچی میں پولیس نے رات گئے ڈاکوؤں کیخلاف کارروائی کی جس میں ایک ڈاکو ہلاک جبکہ 3 کو گرفتار کرلیا گیا۔
تفصیلات کے مطابق کراچی کے مختلف علاقوں میں مبینہ پولیس مقابلوں میں ایک ڈاکو ہلاک اور تین گرفتار کرلئے گئے، ڈاکوؤں کے خلاف مقابلے لیاری، لی مارکیت اور جہاں آباد میں کیا گیا۔
پولیس کے مطابق لیاری ہشت چوک امن پارک کے قریب فائرنگ کے تبادلے میں ایک ڈاکو زخمی حالت میں گرفتار کیا گیا، لی مارکیٹ پھول چوک کھویا گلی کے قریب کارروائی میں دو ڈاکوؤں کو زخمی حالت میں حراست میں لیا گیا۔
پولیس کا کہنا ہے کہ ملزمان کی شناخت عمر اور صدام کے نام سے ہوئی، جہان آباد میں سرچ آپریشن کے دوران مارا جانے والا ملزم گینگ وار کارندہ نکلا۔
ایس ایس پی کیماڑی کے مطابق ملزم مطیع اللہ افغانی کا تعلق ارشد پپو گینگ سے تھا، فائرنگ تبادلے کے دوران ایک ملزم موقع سے فرار ہوگیا۔
