The news is by your side.

Advertisement

کراچی: تجاوزات کے خلاف آپریشن، وفاق، صوبائی حکومت اور میئرکراچی کی مشاورت

کراچی: شہرقائد میں تجاوزات کے خلاف آپریشن کے حوالے سے چیف جسٹس کی ہدایت پر وفاق، صوبائی حکومت اور میئر کراچی وسیم اختر کی مشاورت ہوئی۔

تفصیلات کے مطابق وفاق، صوبائی حکومت اور میئر کراچی وسیم اختر کی مشاورت کے بعد سپریم کورٹ میں پیش کرنے کے لیے ابتدائی مسودہ تیار کرلیا گیا۔

ذرائع کا کہنا ہے کہ حکومتِ سندھ نے تجاوزات کے خلاف آپریشن کی جزوی حمایت کردی، سندھ حکومت نے کہا کہ میدان، پارکس، نالوں پر تجاوزات کے خاتمہ کی حمایت کرتے ہیں۔

ذرائع کے مطابق سندھ حکومت کا کہنا ہے کہ گھروں، مارکیٹوں کو ڈیل کرنے کے لیے حکمت عملی چاہیے، گھروں کو گرانے سے قبل متبادل جگہ پر کام کیا جانا چاہیے۔

مشاورت کے بعد تیار کیا گیا مسودہ آج چیف جسٹس کو پیش کیے جانے کا امکان ہے۔

خیال رہے کہ کراچی میں تجاوزات کے خلاف آپریشن جاری ہے، ڈسٹرکٹ سینٹرل، ویسٹ اور کورنگی میں بھاری مشینری سے تجاوزات مسمار کی گئیں، پاک کالونی میں فٹ پاتھ بنی 35 دکانوں کو مسمار کردیا گیا۔

واضح رہے کہ پاک کالونی میں قبضہ مافیا نے جگہ گھیر کر مکینک، ٹائر اور بیٹری کی دکانیں قائم کررکھی تھیں، باؤنڈری وال ڈال کر قبضہ کی جانے والی جگہ کو بھی واگزار کرالیا گیا، پولیس کی بھاری نفری کی موجودگی میں سامان بھی ضبط کرلیا گیا۔

Comments

comments

یہ بھی پڑھیں