کراچی میں برطرف پولیس اہلکار غربت سے تنگ آکر اپنے اور بچوں کے گردے بیچنے پہنچ گیا۔
اے آر وائی نیوز کے مطابق کراچی میں برطرف پولیس اہلکار عبدالفتح نے بیوی کی بیماری پر زیادہ چھٹیاں کیں تو اسے نوکری سے نکال دیا گیا تھا۔
عبدالفتح معذوری بچی کے ساتھ دربدر کی ٹھوکریں کھانے پر مجبور ہے۔
برطرف پولیس اہلکار اور اس کا خاندان معاشی حالات سے دلبرداشتہ ہوکر اپنے گردے بیچنے پر مجبور ہوگیا۔
عبدالفتح کا کہنا ہے کہ سیکیورٹی زون ون میں تعینات تھا، بیمار بیوی کے علاج کی وجہ سے زیادہ چھٹیاں کیں تو نوکری سے برطرف کردیا گیا۔
عبدالفتح کے لئے اپنے 5 بچوں کے لئے 2 وقت کی روٹی کا حصول مشکل ہوگیا ہے۔
برطرف اہلکار کے لئے وکلا کی فیس ادا کرنا مشکل ہے اسی لئے محکمے میں بحالی کے لیے اب تک عدالت سے رجوع نہ کرسکا۔
کراچی: برطرف پولیس اہلکار اپنے اور بچوں کے گردے بیچنے پہنچ گیا#ARYNews pic.twitter.com/JbtR7AbJDN
— ARY NEWS (@ARYNEWSOFFICIAL) November 22, 2023
