کراچی کے علاقے سعود آباد میں موٹرسائیکلوں پر سوار ڈاکوؤں نے گھر کی دہلیز پر خاندان کو لوٹ لیا۔
تفصیلات کے مطابق کراچی ڈسٹرکٹ کورنگی کے سعودآباد میں گزشتہ روز میاں بیوی سے لوٹ مار کا واقعہ پیش آیا ہے، واقعے کی سی سی ٹی وی ویڈیو سوشل میڈیا پر وائرل ہوگئی۔
ذرائع کا کہنا ہے کہ دن دیہاڑے 4 ملزمان نے موٹر سائیکل سوار مرد، خاتون سے لوٹ مار کی، 2 موٹر سائیکل پر سوار 4 ملزمان نے گھر کے باہر میاں، بیوی کو یرغمال بنایا۔
- Advertisement -
ملزمان نے مرد سے موبائل فون اور دیگر سامان لوٹا، ایک ملزم نے خاتون کے ہاتھ سے چوڑیاں اور انگوٹھی اتروالی، ملزمان موٹر سائیکل سوار خاندان کا تعاقب کرتے ہوئے ان کے گھر تک پہنچے تھے۔
