کراچی: نیٹی جیٹی پل پر ٹریلر کی زد میں آکر موٹرسائیکل سوار 2 افراد جاں بحق ہوگئے تاہم ڈرائیور موقع سے فرار ہوگیا۔
تفصیلات کے مطابق کراچی میں افسوسناک ٹریفک حادثہ پیش آیا، جہاں نیٹی جیٹی پل پر ٹریلر کی زد میں آکر موٹر سائیکل سوار 2 افراد جاں بحق اور دو زخمی ہوگئے، جاں بحق افراد میں بچہ بھی شامل ہیں۔
حادثے کے بعد ڈرائیور موقع سے فرار ہوگیا، پولیس نے بتایا کہ ٹریلر کے اندر سے بیئر اور شراب کی بوتل برآمد ہوئی ہے۔
پولیس کا کہنا تھا کہ لگتا ہے ٹریلر کا ڈرائیورنشے میں تھا تاہم فرار ڈرائیور کی تلاش جاری ہے۔
عینی شاہد نے بتایا کہ 2 موٹر سائیکلوں پر 8 افراد سوار تھے اور سی ویو سے آرہے تھے کہ ایک موٹر سائیکل نے دوسری موٹرسائیکل کوہٹ کیا، جس سے موٹر سائیکل سلپ ہوتے ہی پیچھے سے آنے والے ٹریلر نےکچل دیا۔
عینی شاہد کا کہنا تھا کہ ہم سب کزن ہیں اور ماڑی پور مچھر کالونی کے رہائشی ہیں۔
