کراچی: شہر قائد میں آتشزدگی کا ایک اور واقعہ پیش آیا ہے، خوش قسمتی سے کوئی جانی نقصان نہیں ہوا۔

تفصیلات کے مطابق لیاقت آباد تین ہٹی کے قریب جھگیوں میں آگ لگ گئی، جس نے دیکھتے ہی دیکھتے شدت اختیار کرلی، آگ کے باعث دور دور تک آسمان پر سیاہ بادل دکھائی دینے لگے۔

آتشزدگی کی اطلاع فوری طور پر فائر بریگیڈ کو دی گئی جو حسب روایت تاخیر سے پہنچی اور امدادی کاموں کا آغاز کیا، آگ کی شدت کو مد نظر رکھتے ہوئے مزید دو فائربریگیڈ گاڑی کو طلب کیا گیا۔

بعد ازاں فائربریگیڈکی 3 گاڑیوں نےقابوپایا، آگ لگنےسےمتعددجھگیاں جل گئیں تاہم کسی قسم کا جانی نقصان نہیں ہوا۔

یہ بھی پڑھیں: کراچی: صدر میں واقع وکٹوریہ سینٹر میں خوفناک آتشزدگی

کراچی میں گذشتہ چند دنوں کے دوران آتشزدگی کے واقعات تیزی سے ہونے لگے ہیں، 17 نومبر کو عبداللہ ہارون روڈپر قائم وکٹوریہ سینٹر کے5ویں فلورمیں آگ لگنے سے کڑوروں روپے مالیت کا کپڑا جل کر خاکستر ہوا۔

14نومبر کو کراچی کےعلاقے صدر کی کوآپریٹومارکیٹ میں خوفناک آتشزدگی ہوئی، جہاں اربوں روپے مالیت کا کپڑا جل کر خاکستر ہوا، خوفناک آتشزدگی کے باعث کم وبیش 600 دوکانیں مکمل پر جل کر خاکستر ہوگئیں تھی۔