تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

کراچی : سپراسٹور میں خوفناک آتشزدگی، ایمرجنسی نافذ ، پاک نیوی بھی مدد کو پہنچ گئی

کراچی : جیل چورنگی پر سپر اسٹور میں لگنے والی اگ پر تاحال قابو نہیں پایا جاسکا، صفورا اور نیپا ہائیڈرنٹ پر ایمرجنسی نافذ کردی گئی جبکہ پاک نیوی بھی مدد کو پہنچ گئی۔

تفصیلات کے مطابق کراچی کے علاقے جیل چورنگی کے قریب ڈیپارٹمنٹل اسٹور میں آگ بھڑک اٹھی ، آگ ڈیپارٹمنٹل اسٹور کے بیسمنٹ میں لگی تاہم ڈیپارٹمنٹل اسٹور کاعملہ اور خریدار محفوظ ہیں۔

فائربریگیڈحکام کا کہنا ہے کہ دھواں زیادہ ہونےکےباعث فائرفائٹرزکومشکلات کاسامنا ہے ، رینجرزاہلکار بھی ریسکیوٹیموں کے ساتھ آگ بجھانے میں مصروف ہیں اور ڈیپارٹمنٹل اسٹور کے پیچھے کی دیوار توڑ کر راستہ بنایا جارہا ہے۔

ڈیپارٹمنٹل اسٹور میں آگ لگنے کے واقعے کے بعد واٹر بورڈ کے صفورا ہائیڈرنٹ اور نیپا ہائیڈرنٹ پر ایمرجنسی نافذ کردی گئی ، فوکل پرسن ہائیڈرنٹ سیل آگ لگنے کی جگہ موجود ہے۔

صفورا ہائیڈرنٹ سے پانی سے بھرے متعدد ٹینکرحادثے کے مقام پرروانہ کردیئے گئے ہیں، ایم ڈی واٹر بورڈ نے فوکل پرسن ہائیڈرنٹ سیل کو آپریشن کی نگرانی کرنےکی ہدایت کرتے ہوئے کہا فائر بریگیڈ کو بلامعاوضہ پانی کی فراہمی جاری رہے گی۔

عمارت کی بالائی منزلوں پرموجودرہائشی فلیٹس کوخالی کردیاگیا ہے ، چیف فائرآفیسر کا کہنا ہے کہ عمارت کی بیسمنٹ میں داخلی راستےکم ہیں جس سے مشکلات ہیں ، دھواں بہت زیادہ ہے ،آگ بجھانے کی مسلسل کوشش کر رہے ہیں ، جس مقام پر آگ لگی اس جگہ کا تعین ہوگیا ہے۔

دوسری جانب جیل چورنگی پر سپراسٹورمیں آگ بجھانے کیلئے پاک بحریہ مدد کو پہنچ گئی ہے ، ترجمان پاک بحریہ کا کہنا ہے کہ پاک بحریہ کاباؤزر آگ بجھانے میں معاونت فراہم کر رہا ہے۔

Comments

- Advertisement -