کراچی: پی آئی بی کالونی میں ملزمان نے بھتہ نہ دینے پر دکان پر فائرنگ کردی ، بیرون ملک سے گنگ وارکمانڈر احمد علی مگسی نے دکان مالک سے بیس لاکھ روپے بھتہ طلب کیا تھا۔
پولیس نے مقدمہ درج کرلیا،، بیرون ملک سے گنگ وارکمانڈر احمد علی مگسی نے دکان مالک سے بیس لاکھ روپے بھتہ طلب کیا تھا بھتہ خور فرار ہوگ
تفصیلات کے مطابق کراچی شہر میں بھتہ مافیا پھر سرگرم ہوگئی ۔ پی آئی بی کالونی میں بھتہ نہ دینے پر دکان پر فائرنگ کا واقعہ پیش آیا۔
بیرون ملک سے گنگ وار کمانڈر احمد علی مگسی نے دکان کے مالک سے 20 لاکھ روپے بھتہ طلب کیا تھا۔
پولیس نے واقعہ کا مقدمہ پی آئی بی تھانے میں بھتہ اور اقدام قتل کی دفعات کے تحت درج کرلیا ہے۔
مزید پڑھیں : کراچی : بھتہ نہ دینے پر دکاندار کو قتل کرنے والے گینگ وار کے 2 مطلوب کارندے گرفتار
واقعے کی فوٹیج میں موٹر سائیکل پر سوار بھتہ خوروں کو دیکھا جاسکتا ہے اور فائرنگ کے بعد ملزمان واردات کے بعد باآسانی فرار ہوئے۔
یاد رہے چند ماہ قبل شہر میں بھتہ نہ دینے پر دکاندار کو قتل کرنے والے گینگ وار عبدالصمد گروپ کے دو انتہائی مطلوب کارندوں کو گرفتار کیا گیا تھا۔
ملزمان پان چھالیہ اور ٹھیلے والوں کو بھتے کی پرچیاں دیتے تھے، ملزمان نے26 فروری کو زبیر چاٹ والے کے گھر فائرنگ کی تھی جبکہ 4 مارچ کو نیوکراچی میں پان چھالیہ والوں پر بھی فائرنگ کی اور فائرنگ کی زد میں آکر 3 سالہ بچہ بھی زخمی ہوا تھا۔
