کراچی : فائرنگ کے واقعات میں سابق رکن سندھ اسمبلی کے بیٹے سمیت دو افراد جاں بحق اور ایک زخمی ہوگیا، بہادر آباد میں شہری کو اغوا کرلیا گیا۔ اندرون سندھ قمبر میں سرکاری اسپتال کے باہرشہری موٹرسائیکل سے محروم ہوگیا۔
تفصیلات کے مطابق کراچی کے علاقے نا ظم آباد نمبر پانچ میں ایک شخص نا معلوم افراد کی گولیوں کا شکار بن گیا۔ نارتھ ناظم آباد بلاک ایل میں فائرنگ سے نوجوان زخمی ہوگیا۔
لانڈھی بابرمارکیٹ میں ڈکیتی کےدوران مزاحمت پر ملزمان نے نوجوان گولی ماردی۔ زخمی کو اسپتال لے جایا جارہا تھا کہ وہ راستے میں زخموں کی تاب نہ لاتے ہوئے جاں بحق ہوگیا، پولیس کے مطابق مقتول سلیم سابق ایم پی اے نصیرالدین کا بیٹا تھا۔
علاوہ ازیں بہادر آباد سے نامعلوم افراد نے ایک شہری کو گاڑی سمیت اغوا کرلیا گیا،پولیس کے مطابق مغوی مسعود فیروز کی تلاش جاری ہے۔
دوسری جانب سندھ کےعلاقے قمبر میں میں واقع سرکاری اسپتال کے باہر سے موٹر سائیکل چوری ہوگئی، سی سی ٹی وی فوٹیج میں دیکھا جاسکتا ہے کہ شہری نےبائیک جیسےہی اسپتال کی پارکنگ میں کھڑی کی کچھ ہی دیربعد ملزم آیا، لاک توڑا اور یہ جا وہ جا۔
