کراچی : مختلف علاقوں میں نامعلوم سمت سے آنے والی گولیوں سے 5 افراد زخمی ہوگئے، علاقوں میں بلدیہ ٹاؤن، فیڈرل بی ایریا، کھوکھرا پار،لانڈھی اور ابو الحسن اصفہانی روڈ شامل ہیں۔
تفصیلات کے مطابق کراچی کے مختلف علاقوں میں نامعلوم سمت سے آنے والی گولیاں لوگوں کو زخمی کرنے لگیں۔
بلدیہ ٹاؤن، فیڈرل بی ایریا، کھوکھرا پار،لانڈھی اور ابو الحسن اصفہانی روڈ پر نامعلوم سمت سے آنے والی گولیوں سے پانچ افراد زخمی ہوگئے۔
بلدیہ ٹاؤن چوبیس مارکیٹ کے قریب گھر کے باہر کھڑا چالیس سالہ آصف نامعلوم گولی لگنے سے زخمی ہوا۔
فیڈرل بی ایریا میں محمد آصف اور عباس نامعلوم گولیوں کا نشانہ بنے جبکہ ملیر کھوکھراپار میں گولی لگنے سے طالب حیدرزخمی ہوگیا۔
اس کے علاوہ لانڈھی چار نمبرمیں نامعلوم سمت سے آنے والی گولی لگنے سے پچیس سالہ شیراز زخمی ہوا جبکہ ابوالحسن اصفہانی روڈپر نامعلوم سمت سےآنے والی گولی نے محمدحسن کو گھائل کردیا، پولیس کا کہنا ہے کہ تمام واقعات کی تفتیش جاری ہے۔
