کراچی : خاتون کو قتل کر کے لاش سمندر میں پھینکنے والا مفرور ملزم 3 سال بعد بیرون ملک سے واپسی پر پکڑا گیا۔

تفصیلات کے مطابق کراچی میں سال 2022 میں خاتون کو قتل کر کے لاش سمندر میں پھینکنے والے مفرور ملزم کو گرفتار کرلیا گیا۔

ایس ایس پی انویسٹی گیشن نے بتایا کہ ملزم رحمان حلال کو بیرون ملک سے واپسی پر گرفتار کیا گیا، نصیب زرینہ سودا لینے نکلی تھی، دوسرے روز لاش سمندر سے ملی تھی۔

ایس ایس پی کا کہنا تھا کہ قتل کامقدمہ نامعلوم ملزمان کے خلاف درج ہوا تھا تاہم ملزم کیخلاف کارروائی جاری ہے۔

ڈاکس تھانےکی تفتیشی ٹیم نےقتل کامعمہ حل کرکےملوث ملزمان کاسراغ لگایا تھا،ایس ایس پی انوسٹی گیشن اظہرجاوید نے بتایا کہ پولیس نے ایک ملزم کو گرفتارکر لیا تھا لیکن دوسراملزم رحمان حلال بیرون ملک فرارہوگیاتھا۔

ایس ایس پی انویسٹی گیشن نے مزید بتایا کہ ملزم رحمان حلال کوبیرون ملک سے واپسی پرگرفتار کرلیا گیا۔