The news is by your side.

Advertisement

گرمی کی شدت پیر سے کم ہو جائے گی، محکمہ موسمیات

کراچی : شہر قائد میں آج گرمی کی شدت بدستور برقرار رہی اور زیادہ سے زیادہ درجہ حرارت41ڈگری سینٹی گریڈ ریکارڈ کیا گیا محکمہ موسمیات کے مطابق کل پیر سے گرمی کی شدت میں کمی واقع ہوگی اور منگل کو موسم معمول پر آجائے گا.

کراچی کے جناح اسپتال میں ہیٹ اسٹروک کے صرف ایک مریض کو داخل کیا گیا، جسے ابتدائی طبی امداد دینے کے چند گھنٹوں بعد گھر بھیج دیا گیا۔

صوبائی وزیر صحت جام مہتاب اور صوبائی وزیر تعلیم نثار کھوڑو نے جناح پوسٹ گریجویٹ میڈیکل سینٹر کا دورہ کیا اور ہیٹ اسٹروک کے حوالے سے حفاظتی اقدامات سے آگاہی حاصل کی  ۔

صوبائی وزیر بلدیات سندھ ناصر حسین شاہ نے سوبھراج اسپتال میں قائم کئے گئے ہیٹ اسٹروک سینٹر کا معائنہ کیا ،صوبائی وزراء کا کہنا تھا کہ رمضان میں آنیوالی گرمی کی شدت زیادہ تھی اور ہوا میں نمی کا تناسب بھی بہت زیادہ تھا تاہم حالیہ گرمی کی شدت گذشتہ ہیٹ اسٹروک کے مقابلے میں کم تھی اور عوام نے بھی احتیاطی تدابیر پر عمل کیا ۔

جبکہ میٹروپولیٹن کمشنر سمیع الدین صدیقی ایم ایس عباسی اسپتال سمیت چار ڈاکٹروں کو معطل کرنے کی ہدایت کردی، ڈاکٹرز ہیٹ اسٹروک ایمرجنسی سینٹر پر ڈیوٹی کے باوجود موجود نہیں تھے۔

معطل کئے جانیوالوں میں ہیلپ لائن کے انچارج ڈاکٹر سہیل اورکے ڈی اے پولی کلینک کے ڈاکٹر سلیم میمن اور سی ایم او ساوتھ ڈاکٹر رستم لغاری بھی شامل ہیں۔

Print Friendly, PDF & Email

Comments

comments

یہ بھی پڑھیں