کراچی: گلستان جوہر میں تیز رفتار سرکاری گاڑی نے 3 افراد کو کچل ڈالا ، جس کے نتیجے میں ایک مکینک جاں بحق اور دو شہری زخمی ہوگئے۔
تفصیلات کے مطابق کراچی کے علاقے گلستان جوہر رابعہ سٹی کے قریب خوفناک ٹریفک حادثہ ہیش آیا، سرکاری گاڑی کی ٹکر سے ایک مکینک جاں بحق اور دوشہری زخمی ہوگئے۔
عینی شاہد نے بتایا کہ گاڑی تیز رفتار میں آئی اور متعدد گاڑیوں کو ٹکر مار کر مکینک کو کچل دیا، گاڑی پر سرکاری نمبرپیلٹ لگی ہوئی تھی۔
حادثے میں مکینک محمد قاسم موقع پر ہی جان سے گیا جبکہ دو راہگیر زخمی ہوگئے تاہم شہریوں نے ڈرائیور کو پکڑ کر پولیس کےحوالےکردیا۔
پولیس نے کار سوارکوحراست میں لیکرتھانےمنتقل کردیا اور معاملے کی تفتیش شروع کردی ہے، اس ایچ او فیصل گل نے بتایا کہ گلستان جوہر رابعہ سٹی کے قریب سروس روڈ پر قائم موٹر سائیکل مکینک کی شاپ کے باہر تیز رفتار سرکاری گاڑی جی ایس 7795 ڈرائیور سے بے قابو ہو کر وہاں پر موجود افراد کو روند ڈالا۔
حکام کا کہنا تھا کہ حادثے میں ایک موٹر سائیکل تو مکمل طور پر تباہ ہوگئی جبکہ گاڑیوں کو بھی نقصان پہنچا۔
یاد رہے دو روز قبل شہید ملت روڈ پر تیزرفتار کار کی ٹکر سے گرنے والے موٹر سائیکل سواروں کو ٹینکر نے کچل ڈالا تھا، جس میں 2 افراد موقع پر جاں بحق اور تیسرا زخمی ہوگیا تھا۔
