کراچی : گرین لائن اور اورنج لائن بس کے مسافر اب بس میں سفر کرنے والے ڈیبٹ کارڈ کے ذریعے بھی ٹکٹ حاصل کر سکتے ہیں۔
تفصیلات کے مطابق کراچی میں گرین لائن بس کے مسافروں کے لئے اسمارٹ ٹکٹنگ سسٹم کی سہولت متعارف کروادی گئی ، مسافر ان اٹینڈنٹ کارڈ مشین سے کریڈیٹ اور ڈیبٹ کارڈ سوائپ کر کے ٹکٹ حاصل کرسکتے ہیں۔
مشین کا افتتاح این ای ڈی یونیورسٹی کے وائس چانسلر ڈاکٹر سروش لودھی نے کیا، انتظامیہ کا کہنا ہے کہ پاکستان میں پہلی بار ڈیبٹ کارڈ کے ذریعے ٹکٹ حاصل کرسکتے ہیں۔
مسافروں نے بھی جدید سہولت کو خوش آئیند قرار دیا اور کہاکہ مشین کی تنصیب کے بعد گرین لائن بس کے مسافروں کے لیے مزید آسانی پیدا کردی ہے ۔
خیال رہے ملک گیر سطح پر کسی بھی ماس ٹرانزٹ سسٹم کے لیے اسمارٹ ٹکٹنگ کی پہلی سہولت ہے۔
یاد رہے سینئر صوبائی وزیر شرجیل انعام میمن کی ہدایت پر شہرقائد میں شہریوں کے لیے الیکٹرک بسوں کے نئے روٹ کا آغاز کیا گیا تھا۔
الیکٹرک بس کا نیا روٹ ’’ای وی۔4‘‘ سپر ہائی وے سے نمائش چورنگی تک ہوگا،اس حوالے سے سینئر صوبائی وزیر شرجیل انعام میمن نے بتایا تھا کہ نیا روٹ ’’ای وی فور‘‘ 55 کلومیٹر طویل ہوگا۔
