The news is by your side.

Advertisement

ناراض داماد کی سسرال میں اندھا دھند فائرنگ، 5 زخمی

شہر قائد کے علاقے گلستان جوہر میں ناراض داماد نے سسرال میں فائرنگ کرتے ہوئے بیوی سمیت پانچ افراد کو زخمی کر ڈالا۔

ریسکیو ذرائع کے مطابق گلستان جوہر بلاک چودہ میں بنگلے کے اندر فائرنگ کا واقعہ پیش آیا، جس کے نتیجے میں پانچ افراد زخمی ہوئے، فائرنگ اس قدر شدید تھی کہ رہائشی خوف زدہ ہوگئے۔

واقعے کی اطلاع ملنے پر پولیس کی بھاری نفری متاثرہ علاقے میں پہنچی اور زخمیوں کو طبی امداد کے لئے ریسکیو رضاکاروں کی مدد سے قریبی اسپتال منتقل کیا، جہاں دو افراد کی حالت تشویشناک بتائی جاتی ہے۔

یہ بھی پڑھیں: جنگل میں خاتون کا قتل، والدہ نے داماد اور اس کے دوست کو قاتل قرار دے دیا

پولیس کی جانب سے جاری ابتدائی بیان میں بتایا گیا کہ فائرنگ کا واقعہ رشتےکےتنازعے پر پیش آیا،فریقین کے درمیان خلع کا معاملہ چل رہا تھا، فائرنگ کرنے والے شخص کی شناخت منصور کے نام سے ہوئی ہے جو کہ فیملی کا داماد بتایا جاتا ہے اور وکیل بھی ہے۔

ملزم منصور کی فائرنگ سے سسر، ساس ، بیوی سمیت چار افراد زخمی ہوئے، سسرالیوں پر فائرنگ کرنے کے بعد ملزم نے خود کو بھی گولی ماری۔

پولیس کے مطابق سسرسہیل احمد نے داماد ملزم منصور کیخلاف پہلے ہی مقدمہ درج کرارکھاتھا،واقعے کی مزید تفتیش کے لئے تحقیقات کا آغاز کردیا گیا ہے۔

Comments

یہ بھی پڑھیں