کراچی: ہاکس بے سینڈازپٹ کے قریب سمندر میں نہاتے ہوئے 3 نوجوان بلند لہروں کے باعث ڈوب گئے۔
تفصیلات کے مطابق کراچی میں منوڑہ کے ساحل کے قریب سمندر میں نہاتے ہوئے تین نوجوان ڈوب گئے، ریسکیو ذرائع کا کہنا ہے ایک نوجوان کی لاش نکال لی گئی۔
ریسکیو حکام کے مطابق جاں بحق نوجوان کی شناخت پینتیس سالہ حسن علی کے نام سے ہوئی ہے لاش اور بے ہوش نوجوان کو اسپتال منتقل کردیا گیا ہے۔
ریسکیو حکام کا کہنا ہے کہ بیہوشی کی حالت میں ملنے والے نوجوان کی شناخت فرحان کے نام سے ہوئی ہے جبکہ ڈوبنے والے تیسرے نوجوان کی تلاش جاری ہے۔
ایس ایچ او ماڑی پور سردار عباس نے بتایا کہ ڈوب کر لاپتا ہونے والے نوجوان کا نام جمیل نوید معلوم ہوا ہے، تینوں جوان نارتھ کراچی کے رہائشی ہیں، پکنک کے لیے ہاکس بے سینڈازپٹ کے مقام پر آئے تھے اورسمندر میں نہاتے ہوئے حادثے کا شکار ہوئے۔
دوسری جانب اٹک میں بھی ایک افسوسناک واقعہ پیش آیا ہے جہاں دو بچے مقامی ڈیم میں نہاتے ہوئے ڈوب کر جاں بحق ہوگئے، دونوں بچوں کی لاشیں نکال لی گئیں۔
اٹک کی تحصیل فتح جنگ کے علاقے ڈھرنال میں نور خان ڈیم میں نہاتے ہوئے دو بچے ڈوب کر جاں بحق ہوگئے ہیں واقعہ کی اطلاع پر ریسکیو کی غوطہ خور ٹیمیں موقع پر پہنچ گئیں اور ڈوبنے والے دونوں بچوں 14 سالہ عبداللہ اور 10 سالہ محمد ثوبان کی لاشیں نکال کر قریبی ہسپتال منتقل کر دی ہیں۔
کراچی: 3 فروری کو لاپتہ ہونے والا 20 سالہ نوجوان تشدد کے بعد قتل
