کراچی: صوبہ سندھ کے دارالحکومت کراچی میں کل سے شدید گرمی کا الرٹ جاری کردیا گیا، شدید گرمی کی نئی لہر یکم اپریل تک جاری رہے گی۔
تفصیلات کے مطابق محکمہ موسمیات نے کل سے کراچی میں شدید گرمی کا الرٹ جاری کر دیا، کراچی میں کل درجہ حرارت 41 ڈگری سینٹی گریڈ تک جانے کا امکان ہے۔
محکمہ موسمیات کا کہنا ہے کہ شدید گرمی کی نئی لہر یکم اپریل تک جاری رہے گی۔
اس دوران دن کے اوقات میں سمندری ہوائیں بند رہیں گی، گرم اور خشک ہوا سے گرمی کی شدت زیادہ محسوس ہوگی۔
