کراچی : یونیورسٹی روڈ پر نو دن قبل بس حادثے میں جاں بحق ہونے والی طالبہ ہنزہ خان کی نماز جنازہ سرجانی ٹاؤن میں ادا کردی گئی۔
تفصیلات کے مطابق دو بچوں کی ماں اوروفاقی اردو یونیورسٹی گلشن کیمپس کی طالبہ ہنزہ خان سب کو روتا چھوڑ گئی، ہنزہ خان کی نماز جنازہ سرجانی ٹاؤن میں ادا کی گئی، مرحومہ کی تدفین مقامی قبرستان میں کی گئی۔
نماز جنازہ اورتدفین میں ایم کیوایم کے رکن صوبائی اسمبلی وسیم قریشی اور علاقہ مکینوں کی بڑی تعداد نے شرکت کی، اس موقع پر رکن صوبائی اسمبلی وسیم قریشی نے میڈیا سے گفتگو کرتے ہوئے کہا کہ سانحہ بہت بڑا ہے۔
مزید پڑھیں : کراچی : یونیورسٹی روڈ پر 9روز قبل حادثے کی شکار طالبہ دم توڑ گئی
وسیم قریشی نے کہا کہ پورے شہر کو ترقیاتی کاموں کے نام پر اڈھیر دیا گیا ہے، ہنزہ خان بی ایڈ کی طالب علم تھیں اور استاد بننا چاہتی تھیں جو نو دن قبل بس حادثے کا شکار ہوئیں، اس حادثے میں ان کی ساتھی فاطمہ موقع پر ہی دم توڑ گئی تھی۔
