The news is by your side.

کراچی کو اون کرنا ہماری مجبوری ہے: سعید غنی

کراچی: پیپلز پارٹی کے رہنما اور صوبائی وزیر بلدیات سعید غنی کا کہنا ہے کہ کراچی بڑاشہرہے،ممبئی اس کے سامنے کچھ بھی نہیں ہے ،اس شہر کو اون کرنا ہمارا مجبوری ہے۔

تفصیلات کے مطابق صوبائی وزیر بلدیات کا کہناتھا کہ سیاسی جماعتوں کےساتھ ناانصافیاں نہیں ہونی چاہئیں، ہرادارہ اپنےدائرےمیں رہ کرکام کرےتوکراچی ترقی کرے گا۔

ان کا کہنا تھا کہ میر ے پاس پورے صوبے کی منسٹری ہے لیکن کراچی کو اون کرنا ہماری مجبوری ہے۔ وزیر بلدیات کا کہنا تھا کہ ہمارے پاس چوائس نہیں ہے کہ ہم کراچی کوچھوڑدیں۔

انہوں نے قومی احتساب بیورو ( نیب ) پر تنقید کرتے ہوئے کہا کہ نیب افسران کوبلاکر تضحیک کرتا ہے۔ایماندارآفیسرکہتےہیں وہ کام نہیں کرسکتے۔ صورتحال یہاں تک آگئی ہے کہ کوئی اچھاافسرکام کرناہی نہیں چاہتا۔

سعید غنی کا کہنا تھا کہ تمام افسران جانتےہیں کہ میں غلط کام کرنےکونہیں کہتا۔چیزیں ٹھیک کرنےکاوقت تودیاجائے۔

انہوں نے کہا کہ ہم پر الزام عائد کیا جاتا ہے کہ پیپلزپارٹی کےوزیروں کواوپرپیسےدینےپڑتےہیں۔ انہوں نے دعویٰ کیا کہ میں حلفیہ کہتاہوں کوئی مجھےغلط کام کہتابھی نہیں ہے ۔ انہوں نے درخواست کی کہ ہماری مددکریں ہم چیزوں کوٹھیک کرناچاہتےہیں۔

یاد رہے کہ سعید غنی پیپلز پارٹی کے متحرک رہنما ہیں اور پارٹی کی اعلیٰ قیادت پر قائم منی لانڈرنگ کیس راولپنڈی منتقلی کے فیصلے پر ردعمل دیتے ہوئے کچھ دن قبل انہوں نے کہا تھا کہ ماضی میں قیادت پرلگےالزامات کاعدالتوں میں سامناکیااورکریں گے، اس طرح کےالزامات کاسیاسی محاذ پربھی سامناکریں گے، مقدمات کے باوجود پیپلزپارٹی کا مؤقف تبدیل نہیں ہوگا۔

سعیدغنی کا یہ بھی کہنا تھا بلاول بھٹو کھل کر ملکی معاملات پر بات کر تے رہیں گے، جو الزامات لگائے جارہے ہیں انکا تعلق صوبہ سندھ سے ہے، تمام اداروں کا تعلق صوبہ سندھ سے ہے، سماعت راولپنڈی میں ہوگی۔

Comments

یہ بھی پڑھیں