کراچی: طاہر شمسی، شعیب ملک اور عماد وسیم کی شاندار بولنگ کی بدولت کراچی کنگز نے ملتان سلطانز سے حساب چکتا کردیا۔
تفصیلات کے مطابق کراچی کنگز نے ملتان سلطانز کو با آسانی 66 رنز سے شکست دیکر فائنل فور تک پہنچنے کی امید کو برقرار رکھا۔
https://twitter.com/KarachiKingsARY/status/1629824404724105217?s=20
کراچی کنگز کی جانب سے دئیے گئے 168 رنز ہدف کے تعاقب میں سلطانز 101 رنز پر ڈھیر ہوگئی، کراچی کنگز کے تمام بولرز نے شاندار کارکردگی کا مظاہرہ کیا۔
.@shamsi90 effect ✨#YehHaiKarachi | #MSvKK | #HBLPSL8 pic.twitter.com/zro9tEMDXy
— Karachi Kings (@KarachiKingsARY) February 26, 2023
تبریز شمسی ملتان سلطانز کے لئے قہر ثابت ہوئے، جنہوں نے 18 رنز کے عوض 3 اہم کھلاڑیوں کو آؤٹ کیا، تجربہ کار آل راؤنڈر شعیب ملک بھی فارم میں نظرآئے اور دو اہم ترین وکٹیں حاصل کیں، ملک نے ریلی روسو کلین بولڈ جبکہ ملتان کے کپتان کو کیچ آؤٹ کرایا۔
𝘽𝙚𝙩𝙩𝙚𝙧 𝘾𝙖𝙡𝙡 𝙎𝙝𝙖𝙢𝙨𝙞 🤙#YehHaiKarachi | #MSvKK | #HBLPSL8 pic.twitter.com/rNafso06JT
— Karachi Kings (@KarachiKingsARY) February 26, 2023
کراچی کنگز کے کپتان عماد وسیم نے بھی دو کھلاڑیوں کو پویلین کی راہ دکھائی، عاکف جاوید بھی دو وکٹیں لے اڑے۔
ملتان سلطانز کی جانب سے محمد رضوان 29 رنز بناکر نمایاں رہے، شان مسعود25 رنز بناسکے اس کے علاوہ کوئی بھی ملتان کا کھلاڑی کراچی کے بولرز کا سامنا نہ کرسکا۔
اس سے قبل کراچی کنگز نے پہلے بلے بازی کرتے ہوئے 3 وکٹوں کے نقصان پر 167 رنز بنائے، کراچی کے بیٹر طیب طاہر نے 65 رنز کی شاندار اننگز کھیلی، میتھوویڈ 46 اور جیمز ونس نے 27 رنز بنائے۔
ملتان سلطانز کی جانب سے احسان اللہ نے دو وکٹیں حاصل کیں، ایک وکٹ انور علی نے حاصل کی۔
آج کے اہم ترین میچ میں کراچی کنگز نے تبریز شمسی کو ڈیبیو کرایا انہوں نے جنوبی افریقی اسپنر عمران طاہر کی جگہ لی جب کہ حیدر علی کی جگہ ٹیم میں طیب طاہر کو شامل کیا گیا۔
پی ایس ایل کے تمام میچز اے اسپورٹس پر براہ راست دکھائے جا رہے ہیں۔
