پاکستان سپر لیگ کی مقبول ترین فرنچائز کراچی کنگز کے ساتھ بڑے اداروں کے جڑنے کا سلسلہ برقرار ہے۔
پی ایس او کا معروف پراڈکٹ کیرینٹ موٹرآئل کراچی کنگز کا ہم سفر بن گیا۔ پی ایس ایل7 میں کیرینٹ موٹرآئل کراچی کنگز کا ٹائی ٹینیم پارٹنر ہے۔
اس حوالے سے منعقدہ تقریب میں کراچی کنگز کےصدر وسیم اکرم اور چیف مارکیٹنگ افسر نے معاہدے پر دستخط کیے۔ گروپ ڈائریکٹر اےآروائی محبوب عبدالرؤف، وسیم اکرم اور بابراعظم کو اعزازی سونیئر پیش کیے گئے۔
تقریب میں اظہارِخیال کرتے ہوئے بابراعظم نے کہا کہ بہت شکریہ کراچی کنگز کے ساتھ پاکستان اسٹیٹ آئل کا نام جڑ گیا ہے ہماری ٹیم بہترین کھلاڑیوں پر مشتمل ہے کوشش یہی ہے کہ کراچی کنگز ایک مرتبہ پھر چیمپئن بنے۔
صدر کراچی کنگز وسیم اکرم نے گفتگو کرتے ہوئے کہا کہ سلمان اقبال اس معاہدے پر کافی خوش ہیں ملک کی سب سے بڑی انرجی کمپنی اسپورٹس کےفروغ کیلئےثابت قدم ہے کرکٹ کا سفر بھی پی ایس او کے تعاون سے جاری رہے گا۔
ان کا کہنا تھا کہ کراچی نمبر ون سٹی اور کراچی کنگز نمبر ون ٹیم ہے کنگز کے کپتان بابر اعظم نمبر ون بیٹسمین ہیں بابراعظم کی قیادت میں ہماری ٹیم اچھا کھیلےگی، پی ایس ایل7میں کراچی کنگز بے خوف کھیلےگی ہمیں یقین ہے پاکستان اسٹیٹ آئل آئندہ بھی ہمارا اسپانسر رہےگا۔
ایم ڈی پی ایس او سید محمد طحہ نے اپنے خیالات کا اظہار کرتے ہوئے کہا کہ کراچی کنگز پاکستان سپر لیگ کا بیسٹ برانڈ ہے شہر کراچی بہت سے نامور کھلاڑی پیدا کر چکا ہے پاکستان اسٹیٹ آئل دنیاکےہرکونےمیں خدمات دےرہی ہے۔
محمدطحہ نے کہا کہ کراچی کنگز کی ٹیم ایک بہترین مینٹور اور کپتان کےہاتھوں میں ہے کرکٹ ایک ایساکھیل ہے جو سب کو جوڑ دیتا ہے امید ہےکراچی کنگز ایک مرتبہ پھر چیمپئن ہوگی۔