The news is by your side.

Advertisement

کراچی کنگز پلے آف مرحلے کے لیے تیار ہے، سلمان اقبال

کراچی : کراچی کنگز کے مالک سلمان اقبال کا کہنا ہے کہ کراچی کنگز پلے آف مرحلے کے لیے تیار ہے۔

تفصیلات کے مطابق پاکستان سپر لیگ کی سب سے بڑی ٹیم کے مالک اور اے آر وائی ڈیجیٹل کے صدر و چیف ایگزیکٹو آفیسر (سی ای او) سلمان اقبال نے ٹویٹر پر اپنے پیغام میں کہا کہ پی سی بی نے پلے آف کرانے کا بہترین فیصلہ کیا،کراچی کنگز پلے آف کے لیے تیار ہے۔

دوسری جانب کراچی کنگز کے ہیڈ کوچ ڈین جونز نے سماجی رابطے کی ویب سائٹ ٹویٹر پر اپنے پیغام میں کہا کہ پلے آف مرحلے کے لیے کراچی کنگز کے تمام کھلاڑی دستیاب ہوں گے۔

ہیڈ کوچ کراچی کنگز کا کہنا تھا کہ تمام ملکی و غیر ملکی کھلاڑی پلے آف مرحلے میں ایکشن میں دکھائی دیں گے۔

کراچی کنگز کے کھلاڑی ایلکس ہیلز نے بھی کہا کہ پاکستان واپس آکر کھیلنے کے لیے بے تاب ہوں۔

پی ایس ایل کے بقیہ میچز کے شیڈول کا اعلان

اس سے قبل گزشتہ روز پاکستان کرکٹ بورڈ (پی سی بی) نے پاکستان سپر لیگ (پی ایس ایل) 2020 کے بقیہ میچوں کے شیڈول کا اعلان کیا تھا۔ پی سی بی کے مطابق ایونٹ کے چاوں بقیہ میچز 15،14 اور 17 نومبر کو لاہور میں کھیلے جائیں گے۔

یاد رہے کہ رواں سال 17 مارچ کو کرونا وائرس کے باعث پی ایس ایل 2020 کو روک دیا گیا تھا جسے اب دوبارہ شروع کیا جا رہا ہے۔

Comments

یہ بھی پڑھیں