کراچی : کراچی کنگز کے تحت جاری سندھ کے شہزادے کرکٹ ٹورنامنٹ میں کراچی کے شہزادے نے دو میچز میں سکھر اور نوابشاہ کو ہرا دیا، عماد عالم نے ایک سو گیارہ رنز کی طوفانی اننگز کھیلی۔
تفصیلات کے مطابقنیا ناظم آباد کرکٹ گراؤنڈ میں دلچسپ اور سنسنی خیز مقابلے جاری ہیں۔ کراچی کنگز سندھ کےشہزادے کرکٹ ٹورنامنٹ کےتیسرے میچ میں کراچی نے نوابشاہ کو ایک سوایک رنز سے شکست دی۔
کراچی نے پہلے بیٹنگ کرتے ہوئے دو سو پندرہ رنزبنائے، عماد عالم نے ایک سو گیارہ رنز کی طوفانی اننگز کھیلی، کراچی کے شہزادے نے پہلے بیٹنگ کرتے ہوئے215رنز بنائے کراچی کے عماد عالم نے62 گیندوں پر111رنز بنائے، دھواں دھار بیٹنگ پر عماد عالم میچ کے بہترین کھلاڑی قرار پائے۔
اس کے علاوہ سندھ کے شہزادے کے چوتھے میچ میں کراچی کے شہزادے نے سکھر کو چھ وکٹ سے شکست دی، کراچی کے شہزادے کی نپلی تلی بولنگ کے باعث حیدرآباد کی ٹیم پورے اوورز کھیلے بغیر ایک سو سات رنز پر ڈھیر ہوگئی۔
مزید پڑھیں : کراچی کنگز سندھ کے شہزادے ٹورنامنٹ: میرپور خاص اور کراچی نے اپنے اپنے میچز جیت لیے
کراچی کے شہزادے نے مطلوبہ ہدف انیسویں اوور میں حاصل کرلیا۔ کراچی کی سندھ کے شہزادے میں مسلسل تیسری کامیابی ہے۔
