کراچی کنگز کی انتظامیہ نے ٹیم کے صدر وسیم اکرم کی اہلیہ شنیرا اکرم کو خصوصی شرٹ کا تحفہ دیا۔
کراچی کنگز کی جانب سے وسیم اکرم کی اہلیہ کو جو شرٹ دی گئی اُس کی پشت پر 01 نمبر درج ہے جبکہ اُس پر ’بھابھی‘ نام لکھا گیا ہے۔
کراچی کنگز کی جانب سے ملنے والی شرٹ ایک روز قبل شنیرا اکرم نے سماجی رابطے کی ویب سائٹ پر شیئر کی اور انتظامیہ کا شکریہ بھی ادا کیا۔
شنیرا اکرم نے لکھا کہ ’یہ پہلا موقع ہے کہ مجھے ٹی شرٹ تحفے میں ملی، میرے لیے یہ بہت زیادہ فخر کی بات ہے‘۔ انہوں نے کراچی کنگز کا شکریہ ادا کرتے ہوئے جیت کی دعا بھی کی۔
یاد رہے کہ پی ایس ایل سیزن فائیو میں وسیم اکرم کراچی کنگز کے صدر جبکہ ڈین جونز ہیڈ کوچ ہیں۔
کراچی کنگز نے اب تک ٹورنامنٹ میں دو میچز کھیلے جن میں سے ایک میں فتح اور ایک میں شکست کا سامنا رہا۔ پوائنٹس ٹیبل پر اس وقت کراچی کنگز دو پوائنٹس کے ساتھ پانچویں نمبر پر ہے۔
A sweet interaction between #Bhabhi #ShanieraAkram and #KarachiKings as they sent a personalised #KK T-Shirt to her. She is definitely a proud member and supporter of the team just like her husband #WasimAkram‼️ #Karachi all the way❗️#HBLPSLV #YehHaiKarachi pic.twitter.com/ZhscHjcFoV
— Karachi Kings (@KarachiKingsARY) February 25, 2020
کراچی کنگز کا پہلا میچ پشاور زلمی کے ساتھ ہوا جس میں ٹیم کو فتح ملی تھی جبکہ دوسرا میچ کوئٹہ گلیڈی ایٹرز کے ساتھ کراچی کے نیشنل اسٹیڈیم میں ہی کھیلا گیا تھا۔
