کراچی کنگز : سوات سے ٹیلنٹ ہنٹ پروگرام کا آغاز، نوجوانوں کا زبردست جوش وخروش -
The news is by your side.

Advertisement

کراچی کنگز : سوات سے ٹیلنٹ ہنٹ پروگرام کا آغاز، نوجوانوں کا زبردست جوش وخروش

کراچی : پی ایس ایل کی ٹیم کراچی کنگز ٹیلنٹ کو اجاگر کرنے کیلئے ثابت قدم ہے، کھلاڑی کی کھوج کا ٹیلنٹ ہنٹ پروگرام کا سوات سے آغاز کردیا گیا، کھلاڑیوں کی بڑی تعداد ٹرائلز دینے پہنچ گئی۔

تفصیلات کے مطابق کراچی کنگز نے جو وعدہ کیا وہ پورا کردیا، کراچی کنگز کھلاڑی کی کھوج ٹیلنٹ ہنٹ پروگرام آج سے سوات میں شروع ہوگیا، نوجوان کرکٹرز کی بڑی تعداد منگورہ گراؤنڈ میں ٹرائلز دینے پہنچ گئی۔

اس موقع پر نوجوان کرکٹرز نے موقع دینے پر کراچی کنگز کا شکریہ ادا کیا، مینگورہ کے گراسی گراؤنڈ میں ہونے والے ٹرائلز میں بہترین بالر، بیٹسمین اور وکٹ کیپر کا انتخاب کیا جائے گا۔

پروگرام میں نوجوان کرکٹرز صلاحیتوں کے جوہر دکھائیں گے اور کامیاب ہونے پر کراچی کنگز میں شامل ہونے کا موقع پائیں گے۔ سوات کے بعد خیبرپختونخواہ کے شہر صوابی اور پھر ڈیرہ اسماعیل خان میں کراچی کنگز کے ٹرائلز شروع کیے جائیں گے۔

صوابی کے گوہاٹی کرکٹ اسٹیڈیم میں تیاریاں کو حتمی شکل دی جارہی ہے اور پچ کو رولر لگادیا گیا ہے۔اس کے علاوہ سیالکوٹ، خانیوال، بورے والا اور صادق آباد میں نئے باصلاحیت کھلاڑی سامنے لانے کے لیے ٹرائلز صبح 9 بجے سے شام 5 بجے تک کیے جائیں گے۔

Comments

comments

یہ بھی پڑھیں