پی ایس ایل 9 میں کراچی کنگز کے وکٹ کیپر بیٹر ٹم سائفرٹ گروپ مرحلے میں ٹاپ فور میں پہنچنے کے لیے پرعزم ہیں۔

پی ایس ایل 9 میں کراچی کنگز کے وکٹ کیپر بیٹر ٹم سائفرٹ کا کہنا ہے کہ ہار جیت کھیل کا حصہ ہے لیکن ٹیم کا بنیادی ہدف ٹاپ فور میں پہنچنا ہے۔

انہوں نے کوئٹہ کے شیرفین ردرفورڈز کی بیٹنگ کی تعریف کی جنہوں نے کنگز سے فتح چھین لی تھی ساتھ ہی یہ بھی تسلیم کیا کہ کنگز کے بولرز نے کچھ غلطیاں کی تھیں۔

ٹم سائفرٹ نے کہا ہے کہ کوئٹہ گلیڈی ایٹرز کے بیٹرز نے کافی اچھی بیٹنگ کی، جب کوئی بیٹر اتنا اچھا کھیل رہا ہو تو آپ زیادہ کچھ نہیں کر سکتے۔

انہوں نے کہا کہ یہاں کی وکٹ نیوزی لینڈ سے مختلف ہے، ہمیں لگا فاسٹ بولر کو آخری اوور کروانا درست ہے۔

وکٹ کیپر بیٹر نے کہا کہ کبھی آپ جیتتے ہیں کبھی ہارتے ہیں، لیکن اب ہمیں آگے کا سوچنا ہوگا تا کہ فائنل فور میں جگہ بنالیں۔

ٹم سائفرٹ کا کہنا تھا کہ ہمارے کچھ پلیئرز ابھی بیمار ہیں لیکن جو کھلاڑی کھیلے وہ بھی اچھا کھیلنے کی صلاحیت رکھتے ہیں۔