رپورٹر: عدنان راجپوت
کراچی: شہر قائد میں لٹیروں نے شہریوں کی زندگی اجیرن کر دی، لیاقت آباد پُل پر لوٹ مار کی دن دہاڑے ایک واردات ہوئی ہے جس کے دوران قریبی عمارت کی بالکنی سے شہری نے ویڈیو بنا لی۔
تفصیلات کے مطابق کراچی پولیس کے لیے لوٹ مار کی وارداتوں پر قابو پانا چیلنج بن گیا ہے، لیاقت آباد پل پر دن دیہاڑے ڈکیتی کی واردات ہوئی ہے، جس کی ویڈیو قریبی عمارت کی بالکنی پر موجود شہری نے بنائی۔
ویڈیو میں دیکھا جا سکتا ہے کہ موٹر سائیکل پر سوار دو لٹیروں نے شہری کو اسلحے کے زور پر آسانی سے لوٹا، لٹیرے شہری سے نقدی رقم اور قیمتی موبائل فون چند منٹوں میں لوٹ کر فرار ہو گئے۔
ڈکیتی کی یہ واردات لیاقت آباد تھانے کی حدود میں ہوئی ہے، جس میں پولیس سے بے خوف لٹیروں نے دن دہاڑے شہری کو نشانہ بنایا۔
Comments
- Advertisement -
