کراچی : شہر قائد میں بجلی اور گیس کی غیر اعلانیہ لوڈشیڈنگ نے شہریوں کے صبر کا پیمانہ لبریز کردیا، سینکڑوں کی تعداد میں لوگ سڑکوں پر نکل آئے۔
تفصیلات کے مطابق کراچی کے علاقے میں گیس اور بجلی کی عدم دستیابی پر لیاری کے پریشان عوام نے پیپلزپارٹی آفس پر دھاوا بول دیا اور حکمرانوں کیخلاف شدید نعرے بازی کرتے ہوئے اپنا احتجاج ریکارڈ کرایا۔
اسی دوران مظاہرین میں موجود کچھ مشتعل افراد نے پیپلزپارٹی کے ضلعی دفتر پر دھاوا بولتے ہوئے آفس میں توڑ پھوڑ کی۔ واقعے کی اطلاع ملتے ہی پولیس کی بھاری نفری جائے وقوعہ پر پہنچی اور مظاہرین سے بات چیت کی۔
مشتعل افراد کا کہنا تھا کہ کے الیکٹرک روزانہ گھنٹوں کے حساب سے لوڈشیڈنگ کرتا ہے اور سوئی گیس نہ ہونے کے سبب گھر میں کھانا پکانا دشوار ہوگیا ہے اس دہرے عذاب سے نجات دلائی جائے۔
Comments
- Advertisement -
