اتوار, فروری 16, 2025
اشتہار

کراچی سے گرفتار لیاری گینگ وار کے بھتہ خور کا دورانِ تفتیش اہم انکشافات

اشتہار

حیرت انگیز

کراچی: گرفتار ملزم آصف چکنا نے دورانِ تفتیش پولیس کے سامنے اہم انکشافات کر دیے۔

تفصیلات کے مطابق پولیس کا بتانا ہے کہ گرفتار ملزم آصف چکنا لیاری گینگ وار کمانڈر بھتہ خور بہادر پی ایم ٹی کا کارندہ ہے، بغدادی پولیس نے مقابلے کے بعد ملزم آصف کو گرفتار کیا تھا۔

ڈی آئی جی ساؤتھ اسد رضا کے مطابق ملزم نے گزشتہ روز دوران ڈکیتی شہری مزمل کو گولیاں مار کر قتل کیا تھا، ملزم کا موبائل ڈیٹا بھی حاصل کرلیا۔

ڈی آئی جی ساؤتھ نے بتایا کہ ملزم نے دوران تفتیش اہم انکشافات کیے، ملزم آصف چکنا، شفیع پی ایم ٹی پولیس، سرکاری اداروں کے اہلکاروں کو ٹارگٹ کرنے کا منصوبہ بنارہے تھے۔

ڈی آئی جی اسد رضا نے بتایا کہ شفیع پی ایم ٹی نے اپنے والد گینگ وار کمانڈر بہادر پی ایم ٹی و دیگر کو تصویریں، لوکیشن شیئرکردی تھیں، ملزمان نے بلوچستان کے ٹارگٹ کلرز کیساتھ ملکر لیاری میں قتل کرنا تھا۔

ڈی آئی جی ساؤتھ اسد رضا نے بتایا کہ ملزمان اقدام قتل، ڈکیتی بھتہ خوری کی وارداتوں میں ملوث ہیں، گروہ تاجروں سے بھتہ خوری اور خوف پھیلانے کیلئے فائرنگ کرتا تھا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں