کراچی پولیس نے ملیر ندی کے قریب تیل اور گیس کی چوری کے مقصد کے لیے بنایا گیا ایک کنواں پکڑ لیا ہے۔
تفصیلات کے مطابق کنواں غیر قانونی طور پر تیل اور گیس چوری کے لیے بنایا گیا تھا جہاں سے ایک نامعلوم شخص کی لاش کی موجودگی کی اطلاع بھی ہے۔
پولیس کا کہنا ہے کہ کنواں تیل چوری یا گیس چوری کیلئے بنایا گیا تھا اطراف میں گیس کی بدبو بھی پھیلی ہوئی ہے جس کے باعث ریسکیو اہلکاروں کو کنوئیں کے اندر جانے میں مشکلات کا سامنا کرنا پڑ رہا ہے۔
’گیس باؤزر سے 700کلو گیس چوری کرتے تھے‘،ملتان دھماکے کا مرکزی ملزم ڈرائیور گرفتار
پولیس کا کہنا ہے کہ پارکو اور سوئی گیس کے اہلکار بھی جائے وقوعہ پر موجود ہیں، پارکو حکام کے مطابق کنوئیں کی جگہ سے ان کی لائن دور ہے۔
اس سے قبل کراچی کے ایک شخص کو بن قاسم میں مین سپلائی لائن سے تیل چوری کرتے ہوئے پکڑ کر جیل کی سلاخوں کے پیچھے بھیج دیا گیا تھا۔
پولیس کے مطابق اشرف نامی شخص بن قاسم کے ولی ٹاؤن میں پاکرکو لائن سے تیل چوری کررہا تھا اس دوسران پولیس کے ساتھ فائرنگ کے تبادلے کے بعد زخمی حالت میں گرفتار کیا گیا۔
