کراچی: متعدد پریشانی میں گھرے کراچی کے شہریوں کیلئے بینکوں سے رقم لیکر نکلنا وبال جان بن گیا۔
تفصیلات کے مطابق بینکوں سے رقم لیکر نکلنا شہریوں کیلئے وبال جان بن گیا، محمودآباد میں نجی بینک سے رقم لیکر نکلنے والا شہری گھر کی دہلیز پر لٹ گیا۔
موٹر سائیکل سوار ڈکیت شہری کا تعاقب کرتے ہوئےگلشن جمال تک پہنچے، فوٹیج میں دیکھا جاسکتا ہے کہ مسلح ملزمان کو دیکھ کر شہری نے گاڑی لاک کر لی۔
سی سی ٹی وی فوٹیج میں دیکھا جاسکتا ہے کہ ایک ملزم نے اسلحے کے زور پر شہری کو گاڑی میں ہی محصور کردیا، دو ملزمان نے پستول کے بٹ مار کر شہری کی گاڑی کا شیشہ توڑا اور پیسے چھین کر فرار ہوگئے۔
فوٹیج میں ملزمان کو گاڑی سے رقم سے بھرا بیگ نکال کر فرار ہوتے ہوئے دیکھا جاسکتا ہے، مسلح ملزمان شہری سے 35 لاکھ روپے لوٹ کر فرار ہوئے ہیں۔
