کراچی : پنکچر کی دکان پر سوئے ہوئے شخص کو چھریوں کے وار سے قتل کردیا گیا ، پولیس نے بتایا کہ واقعہ ذاتی دشمنی کا نتیجہ معلوم ہوتا ہے۔
تفصیلات کے مطابق پولیس کے مطابق کراچی کے علاقے نارتھ کراچی سیکٹرون اے فور میں چاقو کے پے در پے وار کر کے ایک شخص کو قتل کر دیا گیا۔
پولیس حکام نے بتایا کہ مقتول کی شناخت مستقیم کے نام سے ہوئی، جس نے چند روز قبل پنکچر کا کیبن لگایا تھا۔
حکام کا کہنا تھا کہ مقتول کیبن میں سو رہا تھا کہ نامعلوم افراد نے چاقو وار اُسے نشانہ بنایا، پولیس نے ضابطہ کارروائی کیلئے مقتول کی لاش اسپتال منتقل کردیا ہے۔
ابتدائی تفتیش میں پولیس نے بتایا کہ واقعہ ذاتی دشمنی کانتیجہ معلوم ہوتا ہے لیکن مختلف پہلوؤں سےبھی تفتیش کی جارہی ہے۔
مزید پڑھیں : کراچی میں ڈکیتی مزاحمت پر ایک اور شہری قتل
یاد رہے چند ہفتے قبل کراچی میں ڈکیتی مزاحمت پر ایک شہری کو قتل کر دیا گیا تھا، مقتول کی شناخت محمد ناصر کے نام سے ہوئی تھی۔
پولیس کا کہنا تھا کہ زخمی محمد ناصر کوسول اسپتال ٹراما سینٹر لایا گیا تھا، جو زخموں کی تاب نہ لاتے ہوئے چل بسا، تاہم واقعہ کی تفتیش جاری ہے۔
