کراچی: میئر کراچی وسیم اختر کی سرکاری گاڑی گن پوائنٹ پر چھین لی گئی۔ واقعے کے بعد ڈی آئی جی ساؤتھ نے ایس ایچ او درخشاں کو معطل کردیا۔
تفصیلات کے مطابق میئر کراچی وسیم اختر کی سرکاری گاڑی گن پوائنٹ پر چھین لی گئی۔ وسیم اختر کی سر کاری گاڑی خیابان بخاری سے چھینی گئی۔
واقعے کے وقت میئر کراچی گاڑی میں موجود نہیں تھے، گاڑی ڈرائیور سے چھینی گئی۔
واقعے کے بعد ڈی آئی جی ساؤتھ جاوید عالم اوڈھو نے ایس ایچ او درخشاں کو معطل کردیا جبکہ ان کی تنزلی بھی کردی۔
ڈی آئی جی کا کہنا ہے کہ درخشاں کی حدود میں اس سے پہلے بھی گاڑیاں چھن چکی ہیں۔ 2 گروہ سرکاری گاڑیوں کے چھیننے میں ملوث ہیں۔ ساؤتھ پولیس اور اے سی ایل سی گروہوں کے قریب پہنچ چکی ہے۔
انہوں نے کہا کہ سرکاری گاڑیوں میں ملوث گروہ جلد پکڑے جائیں گے۔ سرکاری گاڑیاں ٹریس نہ ہونے کی وجہ سے چھینی جاتی ہیں۔
Comments
- Advertisement -
