site
stats
سندھ

کراچی سمیت سندھ بھرمیں میئر، ڈپٹی میئرکے انتخابات کا آغاز

کراچی : سندھ بھر میں میئرز، ڈپٹی میئرز اور ضلع کونسل کے چیئرمین کے انتخابات آج صبح سے جاری ہیں، کراچی میں وسیم اختر کو الیکشن میں حصہ لینے کے لیے کے ایم سی بلڈنگ پہنچادیا گیا۔

تفصیلات کے مطابق سندھ میں میئرز، ڈپٹی میئرزاورضلعی چیئرمین کا آج فیصلہ کن معرکے کا آغاز ہوگیا ہےسکھراورخیرپورمیں پیپلزپارٹی کے میئراورڈپٹی میئربلامقابلہ منتخب ہوگئے ہیں۔

کراچی میں میئر کیلئے ایم کیو ایم کے وسیم اختراورپیپلزپارٹی کے اکرام اللہ وصی مد مقابل ہیں، جس کی پولنگ کے ایم سی اولڈ بلڈنگ میں صبح نو بجے سے شروع ہو چکی ہے جو بغیر کسی وقفے کے شام پانچ بجے تک جاری رہے گی۔

میئر اور ڈپٹی میئر کے انتخاب کیلئے تین سو آٹھ منتخب بلدیاتی نمائندے حق رائے دہی استعمال کریں گے، کراچی کی چھ ضلع کونسلوں میں سے ضلع وسطی سے ایم کیو ایم کے ریحان ہاشمی بلا مقابلہ چیئرمین منتخب ہوچکے ہیں۔

ڈسٹرکٹ ریٹرننگ افسر کی درخواست پرایم کیو ایم کے میئر کیلئے نامزد امیدوار وسیم اختر کو ووٹ کاسٹ کرانے کے لئے جیل حکام نے کے ایم سی اولڈ بلڈنگ لائے ہیں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top