کراچی: شہر قائد کے علاقے میٹروول سائٹ ایریا میں فاطمہ مسجد کے قریب واردات میں پیدل چلتے مسلح لٹیروں نے موٹر سائیکل سوار شہری کو لوٹ لیا۔
اس واردات کی سی سی ٹی وی فوٹیج اے آر وائی نیوز نے حاصل کر لی ہے، سی سی ٹی وی فوٹیج میں ویران سڑک پر 2 مسلح لٹیروں کو ٹہلتے ہوئے دیکھا جا سکتا ہے۔
لٹیروں نے عقب سے آنے والے موٹر سائیکل سوار شہری پر اسلحہ تان لیا، اور شہری سے نقدی، موبائل فون اور قیمتی اشیا چھین لیں۔ لٹیرے جاتے جاتے شہری کی موٹر سائیکل بھی چھین کر لے گئے۔
- Advertisement -
ویڈیو: کراچی پولیس کا چوکی انچارج منظم جرائم کی سرپرستی کرنے لگا
سی سی ٹی وی فوٹیج میں بے بس شہری کو فرار ہوتے لٹیروں کے پیچھے دوڑ لگاتے دیکھا جا سکتا ہے۔
