کراچی : گلشن اقبال سے سے لاپتہ ہونے والی 15 سالہ لڑکی نے اپنی مرضی سے جانے کا انکشاف کردیا۔

تفصیلات کے مطابق کراچی کے علاقے گلشن اقبال سے 15 سالہ لڑکی کے مبینہ لاپتہ ہونے کے واقعے میں اہم پیش رفت سامنے آئی۔

تفتیشی پولیس لڑکی کولےکرنوشہروفیروز سےکراچی پہنچ گئی، پولیس نے کہا کہ بازیاب لڑکی کو کچھ دیر بعد عدالت میں پیش کیا جائے گا۔

گلشن اقبال تفتیشی پولیس نے چھاپہ مار کر لڑکی کو بازیاب کروایا، ابتدائی تفتیش میں لڑکی نے بتایا وہ اپنی مرضی سے گئی تھی۔

مزید پڑھیں : کراچی سے اغوا ہونے والی 15 سالہ لڑکی نوشہروفیروز سے بازیاب

حکام کا کہنا تھا کہ چھاپے کے دوران مقدمے میں نامزد اظہر کو بھی گرفتار کرلیا ہے ، لڑکی کےاہل خانہ نےاظہر پر لڑکی کو اغواکرنے کا الزام لگایا تھا۔

پولیس نے بتایا کہ مبینہ ملزم اظہر لڑکی کے محلے میں سیکیورٹی گارڈ ہے۔