کراچی : سرجانی یوسف گوٹھ سے لاپتہ بچی اسکیم 33 سے مل گئی، پولیس حکام کا کہنا ہے کہ بچی اسکیم 33 تک کیسے پہنچی پتہ کیا جا رہا ہے۔
تفصیلات کے مطابق کراچی کے علاقے سرجانی یوسف گوٹھ سے لاپتہ بچی اسکیم 33 سے مل گئی ، 12 سالہ عمیمہ ریسکیو ادارے کو مدراس چوک کے قریب ملی۔
بچی کو سچل تھانے کے حوالے کردیا، اس کے جسم پرچوٹ بھی لگی ہے تاہم سچل پولیس نے سرجانی پولیس کو بچی سے متعلق آگاہ کردیا ہے۔
پولیس حکام نے کہا کہ بچی سرجانی سے اسکیم 33 تک کیسے پہنچی پتہ کیا جا رہا ہے، مقدمے کے اندراج کے بعد سے بچی کی تلاش جاری تھی۔
مزید پڑھیں : کراچی : سرجانی یوسف گوٹھ سے 12 سالہ بچی لاپتہ
حکام کا کہنا تھا کہ بچی کے والد کے مطابق عمیمہ کے کپڑے تبدیل ہیں، بچی جس وقت لاپتہ ہوئی دوسرے کپڑے پہنے ہوئے تھے۔
گذشتہ روز کراچی کے علاقے سرجانی یوسف گوٹھ سے 12 سالہ بچی لاپتہ ہوگئی تھی، والدین نے مؤقف اختیار کیا تھا 3 بار تھانے کے چکرلگائے مگر مقدمہ درج نہیں کیا گیا، 12 سال کی بیٹی عمیمہ کل دوپہر سے لاپتہ ہے۔ بچی کا تھوڑا سا دماغی توازن ٹھیک نہیں ، کل چیز لینے گئی تھی۔
والد نے الزام عائد کیا تھا ایس ایچ او کہتا ہے اتوار کو میرے بچوں کا دن ہوتا ہے، رات ڈیڑھ بجے ایس ایچ او نے فون کر کے کہا اب فری ہو گیا ہوں آجاؤ، تھانے گیا اسکے باوجود مقدمہ درج نہیں کیا۔
