کراچی: اورنگی ٹاؤن میں رینجرز اور پولیس نے مشترکہ کارروائی کرتے ہوئے 150 سے زائد موبائل فون چھیننے والے 2 ملزمان کو گرفتار کرلیا۔
تفصیلات کے مطابق رینجرز اور پولیس نے اورنگی ٹاؤن میں کارروائی کرتے ہوئے ڈکیتی کی وارداتوں میں ملوث ڈکیت گروہ کے 2 ملزمان کو گرفتار کرلیا۔
ترجمان رینجرز کا کہنا ہے کہ کارروائی کے دوران امیر نواب اور یوسف عرف راجہ کو گرفتار کیا گیا، گرفتار ملزمان سے غیر قانونی اسلحہ، موبائل فون اور نقدی برآمد ہوئی ہے۔
ترجمان کا کہنا ہے کہ ملزم امیر نواب عادی مجرم ہے اور متعدد بار جیل جا چکا ہے، دوران تفتیش ملزمان نے مختلف علاقوں میں وارداتوں کا اعتراف کیا ہے۔
ترجمان رینجرز نے بتایا کہ ملزمان نے کارروائی کے دروان 150 سے زائد موبائل، 2 لاکھ روپے لوٹنے کا اعتراف کیا، ملزمان کے دیگر ساتھی پہلے بھی گرفتار کیے جا چکے ہیں۔
