پاکستان کے سب سے بڑے شہر کراچی میں مطلع صاف تاہم فضائی معیار خراب ہے اور آج یہ دنیا کا آلودہ ترین شہر قرار پایا ہے۔
اے آر وائی نیوز کے مطابق گزشتہ کئی روز سے ابر آلود موسم کے بعد کراچی کا مطلع آج صاف ہے تاہم فضائی معیار خراب ہے۔
شہر قائد کا ایئر کوالٹی انڈیکش 179 پرٹیکیولیٹ میٹرز ریکارڈ کیا گیا ہے اور آج یہ دنیا کا آلودہ ترین شہروں میں سر فہرست ہے۔
دوسری جانب محکمہ موسمیات کے مطابق شہر قائد میں آج صبح کم سے کم درجہ حرارت 20.4 ڈگری سینٹی گریڈ اور ہوا میں نمی کا تناسب 34 فیصد ریکارڈ کیا گیا ہے۔
کراچی میں شمالی سمت سے ہلکی رفتار سے ہوائیں چل رہی ہیں اور دوپہر کے وقت شہر کا زیادہ سے زیادہ درجہ حرارت 32 ڈگری تک جانے کا امکان ہے۔
