کراچی: قبرستان سے انسانی دھڑ ملنے کا معمہ حل ہوگیا، پولیس نے نوجوان کو قتل کرنے والے سفاک میاں اور بیوی کو گرفتار کرلیا۔
تفصیلات کے مطابق ایس پی انویسٹی گیشن ملیر ظفر صدیق نے پریس کانفرنس کرتے ہوئے کہا کہ 2جولائی کو دو افراد کی لاشیں ملی تھیں، دونوں لاشیں ناقابل شناخت اوریہ بلائنڈمرڈر کیس تھے۔
ظفر صدیق نے بتایا کہ پولیس نے24 گھنٹے میں ملزمان کو گرفتارکرلیا، قائد آبادکی حدود سے نوجوان کا قبرستان سے انسانی دھڑ ملا تھا اور اس سے قبل ایک گمشدہ شخص کی درخواست تھانے میں آگئی تھی۔
ایس پی انویسٹی گیشن ملیر نے کہا کہ قتل کے الزام میں میاں بیوی کو گرفتار کیا گیا، ملزمان نےنشہ دیکر نوجوان کاگلا گھونٹا اور اس کے بعدلاش کےبغدےکی مدد سے7 ٹکڑے کئے گئے۔
انھوں نے بتایا کہ دوسرا واقعہ میمن گوٹھ تھانےکی حدود میں پیش آیاتھا، عرفان نامی نوجوان کی بغیر سر کی لاش ملی تھی، شایان اور شکیل نامی دوستوں کے بلانے پر عرفان آیا تھا۔
ایس پی انویسٹی گیشن کا مزید کہنا تھا کہ ملزمان نےمنگیتر سےدوستی پر عرفان کو قتل کیا، دونوں ملزموں نے اعتراف جرم بھی کرلیا ہے۔
