کراچی کے علاقے ناظم آباد میں بزرگ خاتون سے پرس چھینے کی سی سی ٹی وی ویڈیو سامنے آ گئی۔
تفصیلات کے مطابق شاہینہ سہیل نامی خاتون کے ساتھ آج ناظم آباد میں رہزنی کا واقعہ پیش آیا۔ سی سی ٹی وی فوٹیج میں دیکھا جا سکتا ہے کہ ڈاکو چلتی بائیک سے خاتون سے پرس چھینتے ہوئے فرار ہوئے۔
شاہینہ سہیل پرس چھینے جانے کے بعد اپنا توازن برقرار نہ رکھ سکیں اور بُری طرح گرِ پڑیں جس کی وجہ سے ان کے سر پر شدید چوٹیں آئیں اور انہیں تشویشناک حالت میں اسپتال منتقل کیا گیا۔
ایم کیو ایم نے واقعے کی مذمت کرتے ہوئے کہا ہے کہ بزرگ خاتون شاہینہ سہیل ایم کیوایم شعبہ خواتین سے تعلق رکھتی ہیں، چند ماہ قبل لیاقت آباد میں شعبہ خواتیں کی ایک اور رکن رخشندہ بھی پرس چیھیننے کے واقعے میں شہید ہوچکی ہیں۔
ایم کیو ایم نے بیان میں کہا کہ شہر میں جرائم پیشہ ڈکیت سرِعام دیدہ دلیری سے ڈکیتیاں کر رہے ہیں اور بزرگ خواتین تک ان سے محفوظ نہیں ہیں، صوبائ حکومت، پولیس و انتظامیہ شہریوں کو تحفظ دینے میں مکمل ناکام ہوچکے ہیں کراچی کے شہری اپنی جان و مال کے تحفظ کیلئے ریاست پاکستان کی جانب سے ایکشن کے منتظر ہیں۔
