گورنر سندھ کامران ٹیسوری نے کراچی میں سال نو کا جشن عالمی طرز پر منانے کا اعلان کرتے ہوئے کہا ہے کہ 2025 کو نئی امیدوں کے ساتھ خوش آمدید کہیں گے۔
اے آر وائی نیوز کے مطابق گورنر سندھ کامران ٹیسوری نے سال نو کا جشن عالمی طرز پر منانے کا اعلان کرتے ہوئے کہا ہے کہ آج شہر قائد میں لندن، پیرس اور نیویارک کی طرح شاندار آتشبازی ہوگی اور ہم 2025 کو امید اور روشنی کی کرنوں کے ساتھ خوش آمدید کہیں گے۔
کامران ٹیسوری نے کہا کہ گورنر ہاؤس سال نو کے استقبال کے لیے شاندار آتشبازی کے انتظامات مکمل کر لیے گئے ہیں۔ نئے سال کی آمد کے موقع پر قوالی کی یادگار محفل بھی منعقد کی جائے گی، جس میں معروف قوال افضل صابری اپنی پرفارمنس پیش کریں گے۔
ان کا کہنا تھا کہ سال نو کے جشن کے لیے تاریخی اسٹیج کی تیاری آخری مراحل میں ہے اور میں تمام شہریوں کو دعوت دیتا ہوں کہ آئیں ہمارے ساتھ نئے سال کا جشن منائیں۔
گورنر سندھ نے عزم کا اظہار کیا کہ کراچی کی رونقیں بحال کرنے کے لیے اپنی بھرپور کوششیں جاری رکھوں گا۔ گورنر ہاؤس میں کلچرل پروگرامز شہریوں کو امید اور حوصلہ دینے کی ایک کاوش ہیں۔
سال نو کی رات سی ویو جانے والے ہوشیار، پولیس نے حکمت عملی بنالی
