کراچی میں گرمی کی شدت کب تک رہے گی؟ محکمہ موسمیات نے بتادیا

کراچی: شہر قائد میں گزشتہ دنوں سے گرمی کاپارہ ہائی ہے محکمہ موسمیات نے کہا ہے کہ آج بھی کراچی میں موسم گرم رہے گا۔

محکمہ موسمیات کے مطابق کراچی میں آج بھی موسم گرم اور خشک رہے گا جبکہ آئندہ چند روز تک گرمی کا سلسلہ جاری رہنے کا امکان ہے۔

محکمہ موسمیات نے کہا ہے کہ کراچی میں شمال مغربی سمت سے چلنے والی ہواؤں کے باعث گرمی میں اضافہ ہوا ہے فی الحال شہر میں آئندہ چند روز تک بارش کا کوئی امکان نہیں ہے۔

محکمہ موسمیات نے بتایا کہ شہر میں صبح کے وقت کا درجہ حرارت 30 ڈگری سینٹی گریڈ رہا تاہم دن میں درجہ حرارت 36 سے 38 ڈگری سینٹی گریڈ تک رہنے کا امکان ہے۔

دوسری جانب پختونخواکے بیشتر اضلاع میں موسم خشک، مطلع جزوی ابر الود اور گرم رہنےکا امکان ہے جبکہ دیر، سوات، چارسدہ، پشاور، کوہاٹ، چترال، کرم کے اضلاع میں بارش متوقع ہے۔

Comments