تازہ ترین

کراچی : پہلے ہمیں مار دو پھر گھر گرا دینا، خاتون کی دہائی

کراچی: شہر قائد میں گجرنالے پر تجاوزات کے خلاف آپریشن کا آغاز ہوگیا، دل برداشتہ ضعیف خاتون نے حکمرانوں سے ہاتھ جوڑ کر اپیل کردی۔

اے آر وائی نیوز کی رپورٹ کے مطابق کراچی میں گجرنالے پر تجاوزات کیخلاف آپریشن شروع ہوگیا تاہم ایک ضعیف خاتون نے حکمرانوں سے ہاتھ جوڑ کر اپیل کرتے ہوئے کہا کہ پہلے ہمیں مار دو پھر گھر گرادینا۔

ضعیف خاتون نے کہا کہ قرضہ لے کر بڑی مشکلات جھیل کر گھر تعمیر کیا تھا پہلے بھی میرا گھر گرادیا تھا میں اب بیٹی کے گھر جاکر گزر بسر کرنے پر مجبور ہوں، گھر گرانے سے پہلے ہمیں مار دو تاکہ ساری کہانی ہی ختم ہوجائے۔

واضح رہے کہ کراچی میں ہونے والی برسات کے بعد حکومت کی جانب سے نالوں پر قائم تجاوزات کے خلاف آپریشن کا اعلان کیا گیا تھا جس کے بعد مرحلہ تجاوزات ختم کرنے کا سلسلہ جاری ہے،۔

پہلے مرحلے میں نالوں پر قائم پتھارے گرائے جارہے ہیں جس کے بعد نالوں پر قائم گھر گرائے جائیں گے۔گزشتہ روز کراچی کے علاقے ایف سی ایریا میں علاقہ مکینوں نے مسجدوں نے گھر خالی کرنے کے اعلان پر احتجاج ریکارڈ کرایا تھا۔

بعدازاں پولیس موقع پر پہنچی اور یقین دہانی کروائی کہ کوئی اعلان نہیں کیا گیا ہے جس کے بعد علاقہ مکین منتشر ہوگئے تھے۔

Comments

- Advertisement -