کراچی: شہر قائد کے علاقے لائنزایریا میں مبینہ پولیس مقابلے کے نتیجے میں ایک ڈاکو ہلاک جبکہ دو فرار ہونے میں کامیاب ہوگئے۔
تفصیلات کے مطابق کراچی کے علاقےلائنزایریا میں مبینہ پولیس مقابلےمیں ایک ڈاکومارا گیا جبکہ اس کےدو ساتھی فرارہونے میں کامیاب ہوگئے۔
ایس ایس پی ڈاکٹرعرفان بلوچ کے مطابق بریگیڈ کےعلاقےمیں شہری سےلوٹ مارکی اطلاع ملتے پولیس پارٹی پہنچی توڈاکوؤں نےفائرنگ کردی جوابی فائرنگ کےنتیجےمیں ایک ڈاکوہلاک ہوگیا جس کی شناخت نہیں ہوسکی۔
پولیس حکام کا کہنا ہے کہ پولیس مقابلے میں مارے جانے والے ڈاکو کے دیگر دو ساتھیوں کی گرفتاری کے لیے چھاپے مارے جارہے ہیں اور انہیں بھی بہت جلد گرفتار کرلیا جائے گا۔
کراچی میں پولیس کی کارروائیاں‘ 2 ڈاکو ہلاک‘ 16 افراد گرفتار
یاد رہے کہ دو روز قبل کراچی کے مختلف علاقوں میں پولیس کی کارروائیوں کے دوران دو ڈاکوہلاک جبکہ 16 ملزمان کوگرفتار کرکے اسلحہ برآمد کرلیا گیا تھا۔
آپریشن ردالفساد، 2 دہشت گرد ہلاک، 4 کیمپ تباہ
واضح رہے کہ گزشتہ روزبلوچستان میں ایف سی نے کامیاب کارروائی کرتے ہوئے 2 دہشت گردوں کو ہلاک اور 4 کیمپ بھی تباہ کردیے گئے تھے جبکہ 2 دہشت گردوں کو گرفتار کرتے ہوئے ان کے قبضے سے بھاری تعداد میں اسلحہ برآمد کرلیا تھا۔